Inihayag kan Deparment of Interior and Local Government (DILG) na kadaklan sa mga na-dismiss na mga miyembro ng Philippine National Police (PNP ) an na-imbwelto sa organized crime groups.
Segun ki DILG Secretary Jonvic Remulla, na sa 8,000 na may edad na 55-anyos pababa an na-dismiss na mga kapulisan kun sain kadaklan sa mga ini an kaibanan na sa mga organized crime groups.
Sinabi kan opisyal na kaya dae sinda naghihidali na punuan an nasabing mga posisyon huli ta kaipuhan na saraon an mga aplikante ngani na dae sinda mapariwara asin mapasiring sa mga criminal group.
Aminado man si Remulla na dakol an mga aplikante sa pagka-pulis alagad bako suboot kwalipikado an mga ini.
Sa presente kinakaipuhan nin nasa 49,000 na mga pulis ngani na mamantenir an ratio na sarong pulis sa kada 500 katawo.
