LEGAZPI CITY-Na-wheel clamp an dai mababa sa 30 behikulo sa ciudad kan Legazpi makalihis an mahigot na direktiba kan Public Saftey Office.
Segun kay Public Saftey Office Legazpi Head Octavio Rivero, sa intrevista kan Bombo Radyo Legazpi na kadakol pa an dai nagsusurunod siring kan dati asin nagkapira pa sa sainda an nagdadagit sa mga personahes na nagtatrabaho sana.
Pigtawan doon man ni Rivero na mandato ini sa sainda kun kaya sinda an nagsasagibo nin aksyon.
Mensahe man niya sa mga na-wheel clamp na motorista na dai madagit huli ta mahigot na pinagbabawal an pagparada kan mga awto sa mga pigkokonsiderang national road sa ciudad.
Suhestyun man kan opisyal na sangatan na sana nin kaso an mga ini imbes na patawan nin penalidad, kun sain sa korte na sana sinda mag-reklamo asin simbagon an saindang nagibong violation.
Pagirumdom kan opisyal sa mga motorista na magparada na sana sa mga mall, asin bako sa mga national road huli ta may katakod ining penalidad.
