LEGAZPI CITY- Welcome development para sa mga tricycle drivers sa ciudad kan Legazpi an inanunsyar na dugang na P3 na dugang sa pamasahe.
Hali sa dating P12 na minimum na pamasahe, magigin P15 ini para sa enot na duwang kilometro.
Segun ki PASADA 3 President Larry Dioneda sa intrevista kan Bombo Radyo Legazpi na sa presente, dae pa man ipigpapaotob an nasabing paglangkaw sa pamasahe huli ta kinakaipuhan pa na maisapinal.
Aminado ini na dakol an naugma sa nasabing dagdag pasahe sa sektor kan mga tricycle drivers alagad dae mainenegar na may mga pasahero an nag-aagrangay.
Alagad sinabi ni Dioneda na dakulang kawaran sa saindang ganansya an halangkaw na presyo kan gasolina kaya napapanahon sana an nasabing taas pasahe.
Paliwanag kaini na an kwarta na dapat na maiuuli na para sa pamilya an napapasiring sana sa pang gasolina kaya haros kakarampot na sana an saindang kita sa pamamasada.
