LEGAZPI CITY – Kasabay kan naging selebrasyon nin Social Worker’s Day nangapudan an sarong serbidor sa gobyerno na mas masimbagan an mga agrangay kan mga social workers sa Pilipinas.
Sa intrevista kan Bombo Radyo Legazpi kay Vincent Bonafus an Project Development Officer II kan Department of Social Welfare and Development Masbate, kadakol na mga problemang pigkakahampang an mga social workers sa nasyun siring kan hibabang pasahod asin dipisil na trabaho.
An mga social workers man an pangengenot na nagtatao nin serbisyo sa publiko lalo na sa mga panahon nin kalamidad siring kan bagyo, linog, pagbaha, pagputok nin bulkan asin iba.
Alagad makamundo suboot na hasta sa ngunyan dakol man giraray sa mga social workers an nag-aagrangay nin kulang na pasahod lalo na sa mga ahensya kan gobyerno.
Pangapudan ni Bonafus na ngani na makapagpatao pa nin mas maray na serbisyo, langkawan an sahod kan mga social workers sa nasyun asin itao an mga pigpopromesang benipisyo.
