LEGAZPI CITY- Naghahalat na sana ngunyan an mga kapulisan sa rehiyong Bicol kan commitment order para sa dagos na paglilipat sa kustodita ni Daraga Mayor Carlwyn Baldo.
Marurumduman na ipigsugo kan korte an paglilipat sa alkalde sa Baldo sa Bureau of Jail Management and Penology (BJMP) sa National Capital Region.
Segun ki Police Regional Office 5 Director Brig. General Andre Dizon sa intrevista kan Bombo Radyo Legazpi na sinda an magpa-facilitate kan nasabing transfer sa pakikipag koordinar sa BJMP asin sa Criminal Ivestigation and Detection Group.
Pinag-aadalan pa kun iba-biyahe si Baldo by land o by air.
Marurumduman na si Baldo an pigkukonsiderar na mastermind sa paggadan ki dating Congressman Rodel Batocabe kan 2018.
