LEGAZPI CITY- Aminado an sarong kongresista na pinaglaoman na niya an dae pag-atendir ni Vice President Sara Duterte sa budget hearing kan Office of the Vice President.
Segun ki Act Teachers Partylist Representative France Castro sa intrevista kan Bombo Radyo Legazpi na posibleng bako handa si Vice President Duterte asin dae aram an isisimbag sa kahaputan kan mga kongresista.
An dae suboot pag-atendir kan bise presidente sa budget hearing an garing pag-abandona asin pagtalikod sa mga namamanwaan.
Paliwanag kan kongresista na habo magpasairarom kan bise presidente asin magsunod sa rules kan Kamara.
Segun ki Castro na binigo ni Duterte an pig-oorgulyo kaini na 32 million na mga Pilipino na nagboto asin nagtiwala saiya durante kan pirilian.
Pinahimutikan man kan kongresista an akusasyon kan bise presidente na duwa sana suboot an nagde-desisyon sa pag-aprubar nin pondo huli ta may proseso kan pagba-budget.
An mga pondo suboot an hali sa proposal kan mga ahensya asin pagde desisyunan kan Department of Budget and Management asin maabot sa Kamara de Representante, Senado asin iba pang proseso.
