Target kan Department of Agriculture na makapagpabakal naman nin P29 kada kilong bagas sa Visayas asin Mindanao sa maabot na Agosto o sa enot na semana kan Setyembre.
Segun sa ahensya, nakikipagkoordinar na sinda sa mga asosasyon nin paraoma asin mga lokal na gobyerno ngani na makapagkaag nin mga kadiwa stores sa rehiyon.
Digdi ipapabakal an mga lumang stocks nin bagas kan National Food Authority na mababakal sa presyong P29 sana an kada kilo.
Sa ngunyan sa Metro Manila asin Bulacan pa sana mababakal an baratong bagas.
Parte ini kan Bigas 29 program kan gobyerno kung sain mga piling sektor muna siring kan mga senior citizens, benipisyaryo nin Pantawid Pamilyang Pilipino Program, persons with disabilities asin solo parents an tutugotan na makabakal.
