Nagmamawot ngunyan an Department of Agriculture nin suporta hali sa mga international development partners ngani na magakigwa nin augmentation sa pamumuhunan para sa sektor kan agrikultura sa Pilipinas.
Segun ki Agriculture Secretary Francisco Tiu Laurel Jr. na sa presente naghahanap sinda nin iba pang sources nin pondo urog pang limitado an resources kan gobierno ngani na matugunan an mayor na mga proyekto para sa modernisasyon kan agrikultura asin pagpapakusog kan ganansya kan mga paraoma.
Dugang pa kan opisyal na an pagpapakarahay kan farm-to-market roads asin mga tulay an pig propuesto kan French government ngani na mas magin madali an pagbiyahe kan mga produkto pasiring sa merkado.
Naglalaom si Laurel na an nasabing proyekto an magigin kasimbagan sa infrastructure gaps na nakakaulang sa matanos na distribusyon kan mga produktong pang agrikulura.
Segun pa sa opisyal na nagpropuesto man an Agriculture Department nin proyekto sa World Bank’s Program for Results ngani na magtao nin pondo para sa mga inisyatiba kan ahensya.
