Plano ngunyan kan Department of Agriculture (DA) na ibalik sa National Food Authority (NFA) an hurisdiksyon sa pag-angkat kan bagas hale sa ibang nasyon.
Pigtaram ni Agriculture Secretary Francisco Tiu Laurel Jr, na ini an saiyang nahihiling na paagi nganing dagos nang bumaba an presyo kan bagas.
Binawi kaya an kapangyarihang ini hale sa NFA kan mapirmahan na asin nagin ley an Rice Tariffication Law (RTL).
Dugang pa kaini na kun ini an maibabalik, magigin epektibo an DA sa paglaban sa mga pang-aabuso kan mga rice traders asin maiimpluwensiyahan an presyo kan bagas.
An Rice Tariffication law an nagin ley kan 2019 sa panahon ni dating Presidente Rodrigo Duterte nganing mabawasan an madato kan NFA sa pag-emergency buffer stocking kan bagas na gikan sa mga local na paraooma.
