LEGAZPI CITY-Ipiganunsyo kan Department of Agriculture (DA) na mas papahiwason an programa kan gobierno na P20 kada kilo nin bagas para sa taong 2026.
Popoonan an rollout kaini sa Pangasinan ngonian na bulan kan Enero.
Target kan gobierno kan Pilipinas na maabot an nasa 15 milyon na household sa pagtapos kan taong 2026.
Nagalokar man an gobierno nin P23 bilyon ngonian na taon bilang subsidiya sa nasabing programa kun sain piglalaoman na maabot an mga bulnerableng sektor sa sosyedad.
Segun sa ahensya na target an bulnerableng sektor kabale an benepisyaryo kan 4Ps, persons with disabilities, single parents, asin an mga senior citizens.
Siring man sa mga miembro kan TODA, parasisira, paraooma, minimum-wage earners, asin an mga paratukdo.
