Pahihiwason kan Department of Agriculture (DA) ang programang “Benteng Bigas, Meron Na” sa Metro Manila nganing mas dakol na mga tios asin bulnerableng sektor ang makinabang sa P20 kada kilo na bagas.
Segun ki Agriculture Secretary Francisco Tiu Laurel Jr., target kan ahensya na magpatindog nin dae mababa sa limang P20 rice outlets sa kada lokal na gobierno sa National Capital Region.
Obheto kaining mairani an abot-kayang bagas sa mga namamanwaang asin mabawasan an gastuson kan mga pamilya.
Sinabi man ni DA-Agribusiness and Marketing Assistance Service Director Junibert de Sagun na target ang full-scale expansion kan programa bago matapos an Marso 2026 nganing magtugma sa panahon kan anihan asin masierto an bastanteng suplay.
Prayoridad sa programa ang senior citizens, solo parents, persons with disabilities, 4Ps beneficiaries, minimum wage earners, miyembro kan TODA, paraooma, parasisira asin iba pang kwalipikadong grupo.
Nakipag-ulay na man an DA sa Metropolitan Manila Development Authority (MMDA) asin mga lokal na gobierno sa Metro Manila nganing maparikas an implementasyon,mantang nagpromesa an MMDA nin suporta sa logistics asin monitoring kan programa.
