Ipinagbawal kan Department of Agriculture (DA) an pag-angkat nin mga produktong manok gikan sa South Dakota, USA, makalihis na makumpirmar an outbreak kan Highly Pathogenic Avian Influenza (HPAI) H5N1 sa nasambitang estado.
An kasuguang ini an may obhetong protehiran an lokal na industriya kan manok asin malikayan an paglaog kan nasambitang helang sa nacion.
Kaiba sa ban an gabos na domestic asin wild birds, pati na man an saindang mga produkto arug kan karne, bonay, asin day-old chicks.
An DA an padagos na nagbabantay sa sitwasyon asin handang magpaotob nin kadugangang lakdang kun kinakaipuhan nganing mamantinir an salud kan publiko asin kan industriya nin agrikultura.
An mga importer an pigpapagirumdumang sumunod sa bagong regulasyon nganing malikayan an anumang legal na padusa.
An publiko man an pig-eenganyar na magin mapanuri sa pagbakal nin mga produktong manok asin syertuhong hale ini sa mga ligtas na pigkukuwaan.
