Nagpaotob na an Department of Agriculture nin ban para sa mga buhay na kambing na hali sa Estados Unidos.
Huli ini sa marikas na naglalakop na helang sa hayop na pig-aapod na Q fever.
Base sa Memorandum Order No. 26 na ipinaluwas ni Agriculture Secretary Francisco Tiu Laurel Jr., bawal na muna an pag-import nin buhay na kambing ngani na mapugolan an paglakop kan helang sa nasyun.
Ipinagbawal naman an pagproseso, evaluation kan aplikasyon asin pagpapaluwas nin sanitary asin phytosanitary import clearance para sa kambing na hali sa nasyun.
Magigirumduman na ngunyan na bulan kan magpositibo sa Q fever an 19 sa 94 mga kambing na hali sa Amerika.
