Inanunsyar kan Department of Agriculture na nagkokundusir na ini nin mga aksuon ngani na mamantenir an suplay kan bunay asin mapugulan an posibleng paglangkaw sa tahaw kan huma kan bird flu.
Segun ki Agriculture Secretary Francisco Tiu Laurel Jr. na an bird flu outbreak sa Estados Unidos an nagbusol sa paglangkaw kan presyo huli sa pagkatay kan milyones na mga manok.
Maski dae pa man nakaka eksperyensya nin outbreak an Pilipinas, pigkakahaditan na magkaigwa nin kakulangan nin suplay kan bunay sa Abril.
Ngani na masolusyunan ini, pigpapahigot na kan ahensya an importasyon kan mga nagbubunay na manok asin mawot na makapag secure nin Food and Drug Administration approval para sa avian influenza vaccine.
Sa ibong kaini, pigmenos man kan Philippine Egg Board Association an huma kan kakulangan sa suplay huli ta nagtetenir suboot ining stable afuera na sana kun magkaigwa nin major bird flu outbreak.
