Inaprubaran kan Department of Agriculture (DA) an accreditation kan 34 indian companies na siyang ma-suplay nin mga frozen buffalo meat o mas midbid bilang carabeef.
Segun kay Agriculture Secretary Francisco Tiu Laurel Jr., na obheto kaini na mas mapahiwas an mga option kan mapagkukuwaan nin mga suplay kan Philippine food processors asin mahibaba an presyo kan mga ini para sa mas baratong pagkonsumo.
Dugang pa kan kalihim na bako intensyon kan programa na dugangan an pag-angkat hale sa ibang nasyon, kundi ini an nganing makaakit suboot nin mga investors na mawot makipagsabayan sa merkado mantang namamantenir an mga hibabang presyo kaini.
Pigsyerto man ni Laurel na an 34 na Indian exporters an nag-agi asin nakapasar sa mga naunambitang requirement, sa ibong kan 13 man an dae tinugutang makapagexport tulos nin mga produkto nin huli ta an saindang mga operasyon an nagsentro sa tulong estado na naireport na aktibo sa food-and-mouth disease.
Mientrastanto, an desisyon kan ahensya an nganing masuportaran an mga lokal na meat processors asin gumibo nin mga baratong corned beef na ipapabakal sa publiko.
