LEGAZPI CITY-Pinaghahanda na ni Department of Agriculture (DA) Secretary Francisco Tiu Laurel Jr. an mga paraooma sa Northern Luzon huli sa pagabot kan raot nin panahon.
Pigsugo man kan kalihim an gabos na regional field offices na posibleng maapektaran an mga paraooma kaya nagpapaluwas suboot sinda nin napapanahong abiso sa mga ini.
Pigsisierto man kan kalihim na may bastanteng agricultural supplies na nakahanda para sa mga paraooma bago pa man an pagtama kan nasabing bagyo.
Sa presente, igwa suboot na stock sa National Food Authority (NFA) para sa mga pangangaipohan kan mga Pilipino, sa tahaw kan sunod-sunod na kalamidad siring kan nakalihis na bagyong Tino na labing nanalasa sa Visayas asin Mindanao.
Nakahanda man suboot an nasa 2.6 million bags nin bagas para ipanao sa local government units asin mga ahensiyang nagtatao nin relief supplies sa mga apektadong komunidad asin posible pang maaapektaran.
Pagsisierto man kan kalihim, na nagtetenir suboot na nakaalerto an gobiyerno sa pagbabantay kan food supply chains sa katahawan kan typhoon season.
