Ipigsugo ni Department of Agriculture (DA) Secretary Francisco Tiu Laurel Jr. an paramientras na pagbabawal sa pag-angkat nin poultry products hale sa Indiana, US.
Ini an huli sa naireport na paglakop kan kaso kan H5N1 Avian Influenza o bird flu.
Kaiba sa mga ipagbabawal na i-angkat an poultry meat, day-old chicks, bonay, asin iba pang poultry-based products.
Obheto kan bagong kasuguan na maprotehiran an poultry industry sa Pilipinas laban sa posibleng paglaog kan virus hale sa nasabing estado.
Sa ibong kaini, tutugutan man liwat na makalaog sa Pilipinas ang mga shipment na naipadara na hale sa US bago ipaotob an kasuguan kun an mga ini an naproseso o kinatay bago an petsang Enero 30.
Nagpagiromdom man an ahensya na kukumpiskaron an anumang shipment na mabalgar sa bagong kasuguan, kasabay kan pagbabantay sa mga pantalan kan nacion.
