LEGAZPI CITY- Sinierto kan Department of Agriculture (DA) Bicol na magpapadagos an serbisyo kan ahensya sa publiko sa tahaw kan pagpapaotob nin four-day work week.
Ini an kasunod kan pakikisumaro kan ahensya sa pangapudan na energy conservation.
Segun ki DA Bicol spokesperson Lovella Guarin sa intrevista kan Bombo Radyo Legazpi na maski pa binawasan an aldaw kan trabaho, magpapaotob man an ahensya nin mas halawig na oras nin trabaho.
An laog kan mga personahe kan ahensya an mapuon alas-7 nin aga hasta alas-6 nin banggi puon Lunes hasta Huwebes, mantang wara na nin laog tuyong aldaw nin Biyernes.
Dugang pa kan opisyal na bilang parte kan pagtitipid, limitado na man an mga biyahe kan mga personahes afuera na sana kun importanteng mga aktibidad.
Segun pa ki Guarin na an mga meetings an isasagibo na sana online ngani na dae na gumastos nin resources.
