LEGAZPI CITY- Nangapudan an Department of Agriculture Bicol sa publiko na makusumaro sa programa na ‘Be Rice-Ponsible.’
Ini an kasunod kan datos kan Philippine Rice Research Institute na nasa 542,477 metric tons nin milled rice kada taon an nasasayang, rason ngani na ibusol kan ahensya an responsableng pagkonsumo.
Segun ki DA Bicol spokesperson Lovella Guarin sa intrevista kan Bombo Radyo Legazpi na obheto kan nasabing programa na ma-enganyar an mga etsbalishimento, mga pamilya asin an lambang namamanwaan na ibitaran an pagsasayang kan sobrang pagkaon partikular na an bagas o maluto.
Aminado an opisyal na sa presente, padiit nin padiit an mga lugar na pigtatanuman nin paroy alagad pigsasabayan ini nin padagos na paglobo kan populasyon.
Huli digdi, nagdadakula man an konsumo alagad bahagyang nagbababa an ani.
