Dae irerekomendar kan Department of Agriculture an paglalangkaw kan taripa sa imported na bagas sa paparaning review sa Executive Order 62 ni Presidente Ferdinand Marcos Jr., na nagtapyas sa taripa sa 15% hali sa dating 35%.
Marurumuduman na sa irarom kan kasuguan, pigmamandato an pag-aadal sa taripa kada apat na bulan puon kan magin epektino ini kan Hulyo.
Segun ki Department of Agriculture Assistant Secretary asin spokesperson Arnel de Mesa na nakatalaan an review kan nasabing kasuguan sa Nobyembre.
Sinabi kan opisyal na nasa early stages pa sana kan implementasyon kan Executive Order 62 asin kinakaipuhan nin panahon ngani na mamatean kan mga konsumidores an pagbaba sa taripa kan imported na bagas.
Napag-araman na nasa 2.2 million metric tons nin imported na bagas an naglaog sa nacion sa nakalihis na anom na bulan kan 2024 na nabakal sa 35% na taripa kaya kinakaipuhan muna ining ma-dispose.
