Pinangaranan kan contractor na si Curlee Discaya an anom na kongresista asin 2 pang dating opisyal nin gobyerno na suboot nakaresibe nin kickbacks hale sa flood control projects na laog kan saro sa saiyang payoff ledger.
Kabale sa mga binanggit ni Curlee sa Senate Blue Ribbon Committee hearing kasoodmang Biyernes, Nobyembre 14, ang mga dati asin presenteng kongresista na sinda Pasig City Rep. Roman Romulo, dating Quezon City 4th District Rep. Marvin Rillo, Caloocan City 3rd District Rep. Dean Asistio,Quezon City 5th District Rep. Patrick Vargas, Quezon City, 6th District Rep. Ma. Victoria Co-Pilar asin Uswag Ilonggo Partylist Rep. James “Jojo” Ang.
Kaiba man sa pinangaranang sinda dating Presidential Assistant for the Visayas Terence Calatrava asin dating Department of Public Works and Highways (DPWH) Undersecretary Roberto Bernardo.
Sinabi ni Curlee na may natatada pang ledger sa saindang residence, alagad dae ninda ini nakuwa huli sa kakulangan kan oras.
Isinumiter kan mag-agom na Discaya ang nakuang ledger sa Senate Blue Ribbon Committee.
Enot digdi, paramientras na tinugutang makaluwas an mag-agom na sinda Curlee asin Sarah Discaya kan Senate Blue Ribbon Committee hale sa hearing sa flood control anomaly nganing kuwaon an mga dokumentong kopwesto suboot nin impormasyon sa mga indibidwal na nadadawit sa iskandalo.
