LEGAZPI CITY-Ipigheras kan abogado kan mag-agom na Discaya na nagsangat na an saindang kampo nin writ of Habeas Corpus sa korte kasunod kan pagkakadetene ni Curlee Discaya sa senado.
Segun kay Atty. Cornelio Samaniego III, an legal counsel ni Sarah asin Pacifico Discaya, an nasabing petisyon an ipigsagibo ngani mawoton an mapalaya si Curlee hale sa senate detention facility.
Kasunod ini kan pagmamantenir kan siyang kliyente sa kustodiya kan senado makalihis na ma-cite in contempt sa nangyaring pagdangog kan senate blue ribbon committee.
Nagtutubod man an nasabing abogado na dapat mapalaya si Curlee Discaya huli sa wara pang siertong skedyul para sa masunod na pagdangog sa komite mapadapit sa imbestigasyon sa anomalya sa flood control projects.
Sinabi man kan abogado na padagos man suboot an saindang pakikipagkoordinar sa imbestigasyon sa saindang “mailing” sa pagbisita sa Department of Justice para sa pigsasagibong case buildup.
Kun kaya nagtutubod an abogado kan mga Discaya na matatawanan nin atensyon an petisyong habeas corpus na saindang mawot sa korte.
