LEGAZPI CITY-Isinerbi an sarong warrant of arrest kontra sa kontratistang si Curlee Discaya katakod kan kasong malversation na warang pigrerekomendang piyansa huli sa pagkakaimbuelto kaini sa kickback scheme hale sa mga flood control projects.
Si Discaya, na nakulong sa Senado makalihis na i-cite in contempt, asin isinairarom sa kustodiya kan Philippine National Police – Criminal Investigation and Detection Group (PNP-CIDG).
Dinara si Discaya sa sarong police mobile pasiring sa Malolos, Bulacan para sa pagbalik kan warrant.
Kan aldaw nin Biyernes, nagpaluwas nin mandamiento de aresto an Malolos Bulacan Regional Trial Court para ki Discaya, kaiba an saiyang agom na si Sarah Discaya asin siyam na iba pa katakod kan nasabing kaso.
Susog sa kampo ni Discaya, sinabi kan saiyang abogado nakakamundo ini para sa saiyang kliyente na makukulong sa ibong kan saiyang kooperasyon.
