LEGAZPI CITY – Nangangaipo suboot nin cultural revolution an Pilipinas tangarig matapos na an isyu kan korapsyon sa manlain-lain na sektor asin ahensya kan pamahalaan, segun sa Presidential Anti-Corruption Commission (PACC).
Sinabi ni PACC Chairman Dante Jimenez sa intrevista kan Bombo Radyo Legazpi, akuon man o dae kan kadaklan, garing nagin parte na kan kultura an korapsyon kaya kaipuhan suboot na maglaban kontra digdi an gabos na sektor.
Dapat man suboot na magpuon an pagbabago kan kultura sa mga magurang, eskwelahan, simbahan, pwersa kan gobierno asin iba pang ahensya.
Ipigduon pa ni Jimenez na warang maraot asin iligal sa lakdang urog na pagsunod sa ley asin pagpapadanay sana kan disiplina an tatawanan nin konsentrasyon.
Ipig-ehemplo asin inomaw pa kaini an mga pigagibo ni Mayor Isko Moreno sa ciudad kan Manila na obhetong baguhon an kultura asin kinanudan sa lugar.
Pagheheras pang magigin epektibo ini kun may partisipasyon kan gabos, partikular na kan mga public officials.
