Kinumpirmar kan gobyerno kan Cuba na igwa nin mga komunikasyon na nangyayari sa pagultangan ninda asin kan administrasyon ni US President Donald Trump, alagad wara pang pormal na negosasyon o dayalogo sa presente.
Segun ki Cuban Deputy Foreign Minister Carlos Fernández de Cossio, bukas sa dayalogo an Havana, alagad dai pa ini nakaabot sa opisyal na orolay nganing tapuson an pressure campaign kan Estados Unidos laban sa nasyon.
An pahayag an kasunod kan sinabi ni Trump na may talks suboot sa pinakahalangkaw na liderato kan Cuba asin sarong posibleng kasunduan, mantang pigpapakusog kan Estados Unidos an pangigipit sa isla, kabale an mga lakdang na putulon an suplay nin langis gikan sa mga kaalyadong nasyon.
