LEGAZPI CITY-Binasura kan Court of Tax Appeals (CTA) an pighahagad kan Norconsult Management Services Philippines Incorporated para sa P11.7 milyong tax refund hale sa Bureau of Internal Revenue (BIR) para sa taong 2019.
Sa desisyon na ipinaluwas kan Hunyo 30, sinabi kan CTA na dai pwedisir i-refund an nasabing kantidad huli sa pinili na kan kumpanya an “carry-over” option, na basado sa ley, dai ini pwedisir na bawion.
Basado man sa Section 76 kan National Internal Revenue Code (NIRC), an pagpili sa carry-over kan sobra asin an dai nagamit na creditable withholding taxes (CWTs), iyo an irrevocable o dai mababawi para sa nasabing taon, asin dai pwedisir maghagad nin refund o tax credit certificate.
Liwat pigbisto kan CTA na naisumiter kan Norconsult an petisyon sa tamang panahon, nahiling sa saindang Annual Income Tax Return (AITR) para sa taong 2019 na an bilog na sobra asin an dai nagamit na CWTs na P44.88 milyon, kairiba na an haros P11.7 million, iyo an kairiba sa “Prior Year’s Excess Credits” sa saindang Annual Income Tax Return para sa 2020.
Huli digdi sinabi kan CTA, malinaw na pinili kan Norconsult an carry-over option, kaya nawara an direchos kaini na maghagad nin cash refund para sa nasambitang kantidad.
