LEGAZPI CITY- Nagpagirumdom an Civil Service Commission sa mga empleyado kan gobierno sa pagigin non-partisan urog na ngunyan na paparani na an pirilian.
Ini an katakod kan mainit na dalagan ka politika sa nacion urog na sa nagdadangadang na 2025 national and local elections.
Segun ki Civil Service Commission Bicol Director Atty. Daisy Punzalan Bragais sa intrevista kan Bombo Radyo Legazpi na sakop kan kasuguan na non-partisanship an mga regular employees, contractual asin gabos na igwange emoloyer-employee relationship.
Kaibanan sa mga ipinagbabawal sa mga empleyado kan gobierno an pagbilog nin grupo ngani na makapagtipon nin boto para sa sarong partikular na kandidato, pagbabawal sa pagsusulog nin bado na may pandok nin kandidato, asin pagpo-post sa social media kan saindang mga pigsusuportaran na kandidato.
Katakod kaini, sinabi ni Bragais na pwedesir na magsunad nin reklamo an siisay man na mga namamanwaan enkasong igwang mahiling na empleyado nin gobierno na nagbayolar sa pagigin non-partisan.
Enkasong igwang bastanteng ebidensya, pwedesir na masunadan an mga violators nin kasong administratibo.
