LEGAZPI CITY – Nadugangan nin walong panibagong kaso kan COVID-19 an Bicol na rason tangarig na magsakat na an total confirmed cases sa 1,794.
Susog sa datos hali sa Department of Health (DOH) Bicol, nasa 398 an aktibong kaso sa nasabing numero.
Nasa tulong nagpositibo an nadugang sa Albay kun sain tigsararo an ciudad kan Legazpi, Daraga asin Polangui.
Lima man an nadugang sa Camarines Sur mantang warang panibagong kaso sa Camarines Norte, Catanduanes, Masbate asin Sorsogon.
Huli man sa nadugang na 21 nagrahay, nasa 1, 329 na an total recoveries asin saro man an nadugang sa naireport na nagadan sa COVID-19 na ngonyan an nasa 67 na.
