Kinatigan kan pirang senador an pangapodan ni Presidente Ferdinand Marcos Jr., na courtesy resignation kan Cabinet secretaries na obhetong i-recalibrate an saiyang administrasyon makalihis an eleksyon.
Ipigdoon ni Senate President Francis “Chiz” Escudero na kinakaipuhan kan gobyerno na mapagkakatiwalaan asin matinong katabang.
Pigtawan doon kan senador na dapat magpoon sa bakuran kan presidente an pagsasaayos asin inirekomenda man kaini na dumistansya sa mga pabigat na mga kaalyado kaini.
Punto pa, kapag nagpapalya suboot an gobyerno an taumbayan an napapagalan digdi.
Mientrastanto, wara mang nahihiling na sala si Senate President Pro Tempore Jinggoy Estrada sa ginibo kan presidente urog na suboot kun an lakdang na ini an parte kan paghihingoa na magbilog nin sarong lideratong kayang maghatod nin mahusay, may paninimbagan, asin naghihiro na gobierno.
Dugang pa ni Estrada, piggagamit sana kan presidente an saiyang kapangyarihan base na man sa Konstitusyon.
Para man kay Senador Sherwin Gatchalian, dapat magsirbing pagkakataon sa mga gabinete ni Presidente Marcos na surion an saindang mga performance.
An gabos suboot na itinalagang miyembro kan Gabinete, bago man o haloy nang nanenerbihan, an kaipuhang patunayan na kaya nindang magserbi nang may aksyon tulos asin bastanteng kakayanan.
Nagtutubod man si Senador JV Ejercito na binase ni presidente Marcos an saiyang desisyon sa naging resulta kan midterm elections.
Poon ngonian an kaipuhan suboot nindang magin alerto asin handang maghiro.
Naglalaom man si Senadora Nancy Binay na warang magin delay sa serbisyo kan mga kagawaran asin magin marikas an pagpapalit sa mga matatanggal na gabinete.
Nirerespeto kan senadora an kagustuhan kan presidente na hagadan nin courtesy resignation an saiyang mga gabinete huli ta nagsisirbi man talaga an mga ini sa kagustuhan kan presidente.
Ipigdoon ni Binay, dapat handa an gobyerno sa mga ahensyang mapapalitan an nangengenot nganing warang maantala na mga programa.
