Opisyal nang isinairarom kan Commission on Elections (Comelec) En Banc saindang direktang kontrol an bilog na Cotabato City asin banwaan kan Maluso sa Basilan ngunyan na Setyembre 14, 2026, kasabay kan pagpupuon kan botohan para sa pinaka enot na Bangsamoro Parliamentary Elections.
An nasabing desisyon an pormal na ipinaotob kan poll body kasunod kan serye nin mga kadahasan asin insidente sa duwang lugar kan bisperas kan pirilian kasubanggi.
Kaibanan digdi an nangyaring badilan asin pagsabog sa Cotabato City na nagwalat nin tulong gadan asin nagkapirang nairido, siring man an tensyon asin harassment sa Maluso, Basilan.
Sa irarom kan Comelec Control, lalaktawan kan komisyon an lokal na hurisdiksyon ngani na direktang pamayuhan an seguridad sa nasabing mga lugar sa pakikipagtabangan kan Philippine National Police (PNP) asin Armed Forces of the Philippines (AFP).
May poder man an COMELEC na ribayan an mga lokal na opisyal o security personnel asin direktang kontrolon an pagpapaotobg nin ley trapiko asin gun ban ngani na masierto an katrangkiluhan mantang nagboboto an mga namamanwaan.
Sinierto man ni Comelec Chairman George Erwin Garcia na sa ibong kan paglalaag sa duwang lugar sa irarom kan Comelec Control, magpapadagos an proseso kan pagboto asin nagtetenir na salbado asin kontrolado kan mga otoridad an sitwasyon sa gabos na polling precincts.
