LEGAZPI CITY-Nagsagibo nin coordination meeting an Quezon City Police District (QCPD) asin an QC Department of Public Order and Safety bilang preparasyon sa piglalaoman na gigibuhon na dakulang rally sa maabot na Nobyembre 30.
Ginibo an nasabing pagtiripon ngani paghandaan an mga posibleng senaryo asin masierto an seguridad asin katoninongan sa bilog na rally area.
Katuyuhan man suboot kaini na mapaghandaan an mga emerhensya asin maparikas an pagresponde sa anuman na pangangaipo sa aldaw kan dakulang pagtiripon.
Sa nasabing pagtiripon, saro sa mayor na pinag-olayan iyo an mga detalyes kan One Trillion Peso March, kaiba na an piglalaoman na ruta asin lokasyon kan pagtiripon.
Tinawan doon man an security briefing ngani masierto na an gabos na opisyales asin volunteers igwa nin malinaw na kaaraman manugod sa saindang mga responsibilidad.
Kaiba man sa diskusyon an “marshalling briefing” na may katuyuhan suboot na magtao nin giya sa mga marshall kun pano mamantinir an orden asin seguridad sa laog kan rally.
