LEGAZPI CITY — Benteng micro cooperatives an nag-atindir sa ika-duwang aldaw kan Seminar for Capability Training for Macro-Cooperative na isinagibo sa Legazpi City Hall.
Sa intribista kan Bombo Radyo Legazpi ki Gina Belchez kan Cooperative Development Authority (CDA), sinabi kaini na obheto kan nasambitan na programa an matabangan an parehong micro asin macro cooperatives sa syudad na magin preparado sa saindang kapasidad na magpadalagan kan organisasyon.
Pigtututukan suboot kan gobyerno an pag-improve sa kapasidad kan mga ini ngani na makahale sinda sa kapobrehan asin makatabang sa saindang mga pangangaipo.
Apwera digdi, pigsisierto man kan CDA na may magayon na kalidad an mga kooperatiba sa paagi kan padagos na pagmonitor sa mga ini.
Ineksplikar ni Belchez na katorseng training an aagihan kan mga partisipantes huli ta saro ini sa mga rekisitos kan ahensya.
Sa paagi kan mga training, pwedesir na ma-upgrade an mga micro pasiring sa macro.// Yaon an financial, record asin conflict management na kabale sa mga itutukdo kan CDA.
Segun pa sa opisyal, sa syudad kan Legazpi, igwa na nin sitentang kooperatiba na padagos nindang pigtatabangan.
