LEGAZPI CITY-Ipighayag kan Albay 1st District Representative an saiyang reaksiyon dapit sa ipigbuyagyag kan mga Discaya kun sain nadawit an nagkapirang mga miyembro kan sa Kongreso.
Segun kay, Albay 1st District Representative Congresswoman Krisel Lagman Luistro, sa intrevista kan Bombo Radyo Legazpi, na makamundo na madawit sa “exposay” kan mga Discaya an mga dating miyembro kan 19th Congress na ngonian kaiririba ninda sa kongreso.
Sinabi man kan Congresswoman na saro kampo pa sana an saindang nadadangog hale sa mga kontraktor kan Department of Public Works and Highways kun sain igwang mga overprices na proyekto, mga paid na alagad dai pa natatapos, o magin mga ghost flood control projects.
Sinabi man kan Congresswoman na kaipuhan an mas hirarom na imbestigasyon asin dapat su ma-mention igdi an dapat man na maghampang sa senado.
Ipigpunto pa kan opisyal na “very damaging” para sa gabos na miyembro kan kongreso orog na sa mga baguhan pa sana ngonian sa 20th Congress, kun sain igwa na suboot nin bahid asin magigin kwestyunable an mga proseso asin pagsasagibo nin mga budget.
Pigtawan doon man niya na dapat magluwas an totoo asin dai ini pig-expose para sa media purposes.
Dagdag pa niya na dapat na mag-file nin kaso magin criminal o investigative man enkaso mapatunayan ini sa imbestigasyon.
Mientrastanto, naoogma siya liwat sa nagin epekto kaini sa publiko huli sa nakatutok an gabos sa imbestigasyon.
