LEGAZPI CITY-Naghagad nin travel clearance si Davao City First District Representative Paolo Duterte ngani magbiyahe sa 17 nacion poon Disyembre 15, 2025 sagkod Pebrero 20, 2026.
Sa sarong surat na ipinadara sa opisina ni House Speaker Faustino “Bojie” Dy III, sinabi kan kongresista na kan Davao na plano niyang magduman sa Hong Kong, China, Malaysia, Indonesia, South Korea, Japan, Singapore, Vietnam, Cambodia, Estados Unidos, Australia, United Kingdom, Germany, France, Belgium, Italy, asin Netherlands.
An mga nabanggit na lugar an kun sain naka-detene an saiyang ama na si dating Presidente Rodrigo Roa Duterte.
Nanindugan man an kongresista kan Davao na sadiri niyang kwarta an gagamiton sa pagbyahe asin dai gagamiton an anuman na pondo kan gobierno.
Hinagad man kaini na tugotan siyang mag-atendir nin virtual sa mga plenary sessions asin mga miting kan kan Kamara mientras na siya nasa abroad.
