LEGAZPI CITY – Bago an mismong State Of the Nation Address kan Presidente an may paglaom an pirang mga kongresista na itataram o mapapansin ni Presidente Ferdinand Marcos Jr.
Segun ki Ako Bicol Partylist Representative Alfredo Garbin Jr. sa intrevista kan Bombo Radyo Legazpi na dapat tawan pansin kan presidente an mga pagtaong sulusyon sa mga problemang pigkakahampang kan mga ordinaryong namamanwaan arug kan presyo kan babarakalon, food security, pagbabaha, asin iba pa.
Haloy niya na man na pigpapangaturugan an pig-aapod na “Bicol Express” o tren na pwedesir magdara nin turismo asin trabaho sa rehiyon.
Maaapod niya suboot na kakaiba an magigin SONA kun mailalatag kan Presidente an saiyang plano o programa na ikakagayun kan buhay kan lambang bikolanong nasa laylayan.
Pigtaram pa kan opisyal na kun enkaso an mailatag an programa asin plano sa rehiyon bikol an dae na kaipuhan maglipat kan mga tawo sa ibang rehiyon o ibang nacion nganing makakuwa sana nin maray na trabaho asin dakulang ganansya.
Pighayag pa ni Congressman Garbin na afuersa sa pag-atendir kan SONA an naghahanda man siya pagpopoon kan inaugural session kan House of Representatives.
