Nangapudan si Laguna Representative asin House Public Order and Safety Chair Dan Fernandez sa mga opisyal asin empleyado kan Bureau of Immigration na ituro kun siisay an nagtabang sa grupo ni Alice Guo na makadulag sa nacion.
Segun ki Fernandez na itatao niya an duwang bulan na sweldo sa siisay man na BI personnel na makakapagturo o makakapagtao nin pangaran.
Pigduon kan lehislador na gigibuhon niya ini ngani na mahanap an siisay man na nagtabang ngani na makapagtago si Guo maski pa aram na nahahampang ini sa patong patong na kaso.
Nanindugan an kongresista na importante an pakikipagtabangan kan mga personahe kan ahensya ngani na makabilog an Quad Committee nin tamang ley ngani na mapugulan na mangyari liwat an insidente.
Marurumduman na an sarong kongresista an nagsu-sweldo nin nasaP262,965 hanggang P289,669 o katumbas nin salary grade 31.
