Naisakatuparan an Libreng Professional Fees sa irarom kan Medical Assistance to Indigent and Financially Incapacitated Patients sa mga DOH Hospitals sa bilog na nasyon sa padagos na pagbubusol kan mga inisyatiba ni Cong. Elizaldy Co kan Ako Bicol Party List.
Para sa mas abot-kayang serbisyong pangkalusugan, personal niyang kinaulay, kaiba si Speaker Ferdinand Martin Romualdez, asin si Health Secretary Ted Herbosa tanganing maisabay an professional fees kan mga doktor sa coverage kan Guarantee Letters (GLs) sa irarom kan Medical Assistance for Indigent and Financially Incapacitated Individuals Program (MAIFIP).
Segun kay Cong. Zaldy, an pagkakaigwa nin libreng professional fees an dakulang tabang para sa mga Pilipinong dae kayang tustusan an halangkaw na gastos sa serbisyong medikal.
Para kay Cong. Zaldy, importante an pagbabago na ini huli sa kadalasan suboot kan professional fees kan mga doktor an nagiging dugang na pasanin kan mga pasyente.
Mawot na halion ni Cong. Zaldy an ulang na ini ngani na masierto na an kada Pilipino, lalo na an mga nagtitios, an may access sa kumpletong serbisyong medikal na warang pigiisip na dugang na gastos.
Apwera digdi, pigtawan duon man ni Cong. Zaldy na an siring kaining lakdang an dae lang magtatao nin kaluwagan sa mga pasyente kundi magpapalangkaw man nin kumpiyansa kan mga tawo sa mga programa kan gobyerno.
An pangapudan ni Cong. Zaldy na isabay an professional fees kan mga doktor sa Medical Assistance to Indigent and Financially Incapacitated Patients sa bilog na nasyon an parte kan mas mahewas na adbokasiya kan Ako Bicol Party-list para sa komprehensibong healthcare na abot-kaya asin bastante para sa gabos na mga Pilipino.
Sa pakikipagtabangan kay Speaker Romualdez asin sa DOH, naglalaom si Cong. Zaldy na makukua an pagbabago na ini sa lalong madaling panahon, para sa ikakarahay kan kada Pilipinong nangangaipo.
