LEGAZPI CITY-Makikisumaro an transport group na Condor-Piston Bicol sa isasagibong protesta na gaganapon sa Labor Day, kasabay an pangapudan na ibaba an presyo kan produktong petrolyo.
Segun kay Condor-Piston Bicol President Ramon Rescovilla, sa intrevista kan Bombo Radyo Legazpi na isasagibo an saindang programa sa Rizal Park sa hampangan kan simbahan.
Dagdag pa niya na makikismaru sinda sa hanay kan sektor kan transportasyon maski napababa kan nagkapira an presyo alagad wara suboot nin kasiguraduhan kun liwat ining malangkaw huli ta bako kontrolado kan gobierno an presyo.
Sinabi pa niya na makasaysayan an aldaw kan ‘Kilusang paggawa’ kun sain dai ini itinao nin kusa, kundi ipinaglaban kan mga obrero an walong oras na pagtratrabaho.
Punto pa niya na kaipuhan man liwat na ipangapudan an presyo sa P60-P65 ngani makabawi an mga driver sa mga nakalihis na taas-presyo huli sa padagos na gera kan Estados Unidos.
Sa presente, kadakol na suboot an namamasada alagad matumal man liwat an saindang kita huli sa alternate na laog kan mga nasa gobierno asin mga eskwelahan.
Pangapudan man niya sa hanay kan sektor kan transportasyon na suportaran an laban kan ‘kilusang manggagawa’.
