Nakansela an tolong aldaw na concert ni Taylor Swift sa Vienna, Austria huli sa huma nin terror attack.
Base sa anunsyo ni Austrian Chancellor Karl Nehammer, inabisohan na muna an kampo kan singer na kanselaron an aktibidad huli sa mga nagpaplano na magsagibo nin pag-atake sa concert kaini.
Segun sa opisyal, duwang suspek an naarestar huli sa balong paglulunsar nin pag-atake sa mismong aldaw kan concert.
Nasa 80,000 na katawo an pinaglalaoman kuta na maatindir sa concert.
Huli sa insidente, irerefund na muna an bayad kan mga fans na nakabakal na kan ticket para sa concert.
Sunod naman na bibisitahon ni Swift an Wembley Stadium kan London para sa anom na banggi nin concert.
