LEGAZPI CITY—Dae na ikinakigkig kan grupong Commuters of the Philippines an report na an Pilipinas an most congested country sa bilog na Asia na may 45% o kun sain kadaklan an kadugangang oras an nawawara huli sa trapiko kan 2025, kumpara sa pagmamaneho sa free-flow conditions.
Segun ki Commuters of the Philippines Resident Transport Urban Planner Julius Dalay, sa intrevista kan Bombo Radyo Legazpi, na wara man na masyadong pag-uswag sa pampublikong transportasyon sa Metro Manila man o sa mga provincia, siring man na warang masyadong alternative mode of transport na pwedesir maibsan an gabat nin trapiko.
Dugang niya magkakaigwa man liwat nin problema sa trapiko huli sa dakol man liwat an mga tawong nagbabakal nin mga behikulo taon-taon.
Pighayag kan opisyal na saro sa pwedesir na long-term na makakatabang gabat nin trapiko sa nacion an paggibo nin mass transit system partkularmente sa Metro Manila.
Tinawan-doon ni Dalay na saro sa mga solusyon sa gabat nin trapiko an pagpakarhay kan pampublikong transportasyon sa nacion asin an mga piglalakawan sa tinampo nganing maengganyar an publiko na maglakaw imbes na maggamit nin behikulo.
Afuera digdi, kun na-achieve na suboot an duwang lakdang an pwedesir na ma-regulate an numero kan mga behikulo sa nacion.
Mientrastanto, nangapudan an grupo sa gobierno na dapat mas mapauswag pa an mass transportation sa nacion asin dapat bako sana an namamanwaan an nagreresolbar kan nasambitang problema.
