LEGAZPI CITY- Tinawan duon kan sarong propesor an importansya kan pagsasabuhay kan ethical standards sa pagpapaluwas nin impormasyon urog na sa mga sensitibong bareta.
Ini an katakod kan paglakop nin mga ladawan, videos asin mga impormasyon sa social media kasunod kan nangyaring pambabadil sa sarong eskwelahan sa Tacloban City.
Segun ki UP College of Media and Communication Prof. Danilo Arao sa intrevista kan Bombo Radyo Legazpi na sa lado kan tunay na peryodismo, bako tama na ipaluwas tulos an pangaran kan mga biktima urog pa kun dae pa aram kan pamilya kaini an pangyayari.
Saro man sa mga naglakop an mga ladawan asin videos kan duwang suspek na menor de edad.
Paliwanag kaini na kianakaipuhan na masabutan kan publiko an ethical standards sa pagbabarewas nin mga impormasyon na komon na pigsusunod kan mga peryodista o mamamahayag alagad napapasipara kan nagkapirang mga content creators.
Tinawan duon man ni Arao an isyu sa sensationalism sa nagkapirang mga pagkakataon.
