LEGAZPI CITY — Isasagibo na sa Kamara an panduwang pagdangog kan House Committee on Dangerous Drugs sa irarom ni Rep. Ace Barbers mapadapit sa mega shabu laboratory na nadiskubre sa Barangay Palta Small Virac, Catanduanes kan Nobyembre 26, 2016.
Segun sa vice-chairman ng komite asin AKO-Bicol Party-List Rep. Rodel Batocabe, dadarahon na sa kongreso an pag-iimbestigar sa nasabing laboratoryo huli ta naging bangled na suboot an naenot na congressional inquiry asin tangarig na mapanimbag na an siisay man na responsable.
Piglalaoman na kaini an pagkakaigwa nin eksplosibong eye-opener revelation kan nagkapirang pulis sa provincia tangarig na matutukan na an malalang problema sa droga kan Catanduanes.
Magpapaapod naman nin executive session tangarig na maitalaan na an pagdangog asin mapagdesisyunan na an ibang mga dating inimbitaran na lokal na opisyales asin kapulisan.
Dugang pa kan kongresista na dae na dapat pang mautro an nangyari asin papanimbagaon an maysadiri kan shabu lab na pighihiling na ulang sa trayumpo kan war on drugs kan gobyerno.
