LEGAZPI CITY — Suportado kan Philippine Sports Commission (PSC) an mga atletang Pinoy urog na an mga partisipantes ngunyan kan Palarong Pambansa 2017.
Sa intrevista kan Bombo Radyo Legazpi ki Charles Raymond Maxey, commissioner kan PSC, an itinaong P10 milyong ayuda sa probinsya kan Antique na iyong venue kan aktibidad an bilang pagsuporta na matawan nin maray na lugar an mga atleta.
Sinabi pa kan commissioner na magiging parte siya kan opening program kan Palaro sa Lunes.
Tinawan man kaini nin mensahe an mga atleta sa elementarya asin sekondarya na dae magsuko sa pangaturugan na maging maray na atleta.
Sinabi pa ni Maxey na dae sana mangarap na maging parte kan Palarong Pambansa kundi maging representante kan national team sa mga internastional competitions.
Bako sana suboot solidarity, unity asin excellence an naitatao kan aktidad sa mga atleta kundi saro ining paagi para sa human development kan sarong indibidwal.
Hagad man kan opisyal sa mga ini na padabaon an sadiring banwaan asin suportaran kan lambang saro an Palaro, mga atleta asin delegasyon.
