Target man liwat kan Commission on Elections na matapos an pag-imprenta nin balota sa Abril 14 para sa National and Local Elections 2025 sa ibong kan nairehistrong mga delays.
Ini an ngani na mapuunan man an pagpapadara kan mga balota sa polling precincts sa bilog na nacion antes an May 12 midterm elections.
Segun ki Comelec Chairman George Garcia na igwa pang mga defective ballots na kinakaipuhan na i-reprint kaya kinakaipuhan na matapos sa tamang oras.
Marurumduman na nagpadagos na ngunyan an pag-imprenta kan opisyal na mga balota para sa May 2025 National and Local Elections kun sain dinugangan pa an target production sa 1.5 million kada aldaw ngani na makahabol sa deadline.
Enot na kayang nagkaigwa nin mga delays kasunod kan kasuguan kan Korte Suprema sa nagkapirang mga developments.
