Sinayumahan kan Commission on Elections an propuestong i-daptar an hybrid poll system para sa 2025 midterm elections.
Paliwanag ni Comelec Chairman George Erwin Garcia na kinakaipuhan nin ley ngani na maipaotob kan poll body an hybrid system asin pigduon na tagapagpaotob sana nin ley an komisyon.
Sa irarom kan hybrid system, manual an pagboto asin pagbibilang nin boto sa mga precinct level mantang automated an transmission asin canvassing kan mga resulta.
Alagad sa pag-aadal kan komisyon, nagluwas na sa irarom kan hybrid system, aabuton nin tulong aldaw an pagbibilang kan mga boto sa mga presinto na magreresulta sa pagkaka octaba kan pirilian.
Ginibo kan opisyal an pahayag sa tahaw kan pangapudan kan koalisyong Alyansa ng Nagkakaisang Mamamayan para sa hybrid elections huli sa suboot kawaran nin transparency sa automated system.
