Piglinaw kan Comelec na para sa deadline kan pagsusunad nin nuisance petitions an saindang pinalawig asin bako an ibang proseso.
Pighuna suboot kan iba na an extension an para sa pagsunad kan ibang dokumento arug kan certificate of candidacy.
Enot nang inaprubaran kan Commission En Banc an binagong deadline nganing makapagsunad an petitioners nin pagtutol sa mga nuisance candidates o pampasamok sana man.
An schedule kaini mapoon sa October 14, 2024 hasta October 16, 2024, sa oras na alas-8:00 nin aga hasta alas-5:00 nin hapon.
An adjustment dara kan Memorandum Circular No. 66 na ipinaluwas kan Office of the President para sa work suspension sa Manila asin Pasay nin huli sa sarong international event sa PICC.
