Ibinasura kan Commission on Elections–Political Finance and Affairs Department an imbestigasyon laban kay Senador Chiz Escudero asin Centerways Construction and Development Inc. president Lawrence Lubiano katakod kan suboot P30-milyong campaign donation kan 2022.
Basado sa desisyon kan ahensya na warang nahiling na ebidensya namagpapatunay na nagbayolar an duwa sa Omnibus Election Code, rason ngani na ipundo an kaso.
Alagad enot na inako ni Lubiano na nagdonar siya nin P30 million ki Escudero sa senatorial bid kaini, sinabi niya na an donasyon an hali sa sadiri niyang bulsa.
Segun sa Comelec na may diretsos si Lubiano na mag-ambag ki Escudero asin warang ebidensya na hali an kwarta sa Centerways.
Basado sa desisyon kan ahensya na an anuman na alegasyon na warang kalakip na ebidensya an dae magpapatunay sa anuman na paninimbagan.
