LEGAZPI CITY- Nanindugan an Commission on Elections na dae ipupundo an preparasyon sa papaabot na pirilian hasta warang pormal na anunsyo an Kamara de Representantes sa magiging desisyon kun iooktaba o ipagpapadagos an pirilian.
Sa intrevista kan Bombo Radyo Legazpi ki Atty. Juana Valeza, Regional Election Officer kan Bicol, napag-araman na nagsumiter na an pinakapamayo kan komisyon nin surat na laog an rekomendasyon sa pagpaparekas kan desisyon asin an kahagadan na dae na ioktaba an nakatalaan na pirilian sa Oktubre.
Pagtataong-duon pa kan opisyal na dakol an masasayang na kwarta urog na nagastos na an mga ini sa pagpreparar kan mga gagamiton na pasilidad asin ekipahe.
Inako man kan opisyal na wara sindang magiginibo kun magin pinal na an desisyon na dae na talaga ilawos an barangay asin Sangguniang Kabataan elections.
