Natapos na kan Commission on Elections an nasa 60% kan mga naimprintang balota na gagamiton sa 2025 midterm elections.
Segun ki COMELEC chairman George Garcia na posibleng sa Marso 20 na matapos an pag-imprenta kan gabos na mga balota.
Sa laog nin nasa 72 milyon na mga balota, nasa 44 milyon na an kabilugan na naimprenta.
Pigkakarkulo man na sa Abril 14 matatapos an manual asin automated verification kan mga balota.
Maski pa nahampang sinda sa temporary restraining order hali sa korte kan nakalihis na mga bulan, sinierto kan opisyal na on-track man liwat sinda para sa target date.
