Nagpatanid an Commission on Elections (COMELEC) sa publiko laban sa laganap na vote-buying ngunyan na pirang aldaw na sana an natatada sa kampanya kan mga politiko bago an eleksyon sa Mayo 12, 2025.
Mismong si Comelec Commissioner Ernesto Maceda Jr., chairman kan Committee on Kontra Bigay (CKB) kan komisyon, an nagsabi na saindang pighahandaan an pagdakol kan mga report sa vote buying asin pag-abuso sa kaban kan gobierno mantang paparani an aldaw kan eleksyon.
Kasabay kaini, nangapudan an opisyal sa publiko na ipagpadagos an pag-report sa mga otoridad kan mga insidente nin pagbalgar sa mga ley pang-eleksyon sa saindang mga komunidad.
Basado sa datos kan Comelec, nag-abot na sa labi 300 an numero kan mga reklamong naresibi kan Committee on Kontra Bigay na may kinaaraman sa vote buying asin abuse of state resources.
Alagad, mas hababa pa suboot ini kumpara sa 1,266 na mga kaso na nairehistro kan eleksyon kan taong 2022.
Nangengenot suboot an Calabarzon na may 64 kaso, kasunod an Central Luzon na may 54, National Capital Region (52), MIMAROPA (20), asin an Bicol Region (20).
Sabi ni Marcela, kalimitan kan vote-buying cases an imbuelto sa distribusyon nin kwarta, pagkaon o item.
Kalimitang kaso man kan abuse of state resources an pagbarewas nin ayuda o mga serbisyo publiko mantang paparani na an aldaw kan eleksyon.
 has warned the public against widespread vote-buying now that only a few days remain in the campaign of politicians before the elections on May 12, 2025.){kind=link}